2010年6月25日 星期五



害人之心不可有;防人之心不可無,是老生常談。街上路人問你要錢,「防」會自動彈出來。但與毫無錢銀瓜葛的人交往也要防,會不會太累呢。


記得很久以前看過一篇訪問,才女與她的朋友給一位飲食業搞手邀約合資做餐廳,見一班朋友柴娃娃很高興,又可以多一個飯局地方,出資不算多,有點心思思。才女從沒做過生意,為安全計,問道一位知名富翁。


富翁是名人飯局常客,人面很廣,公職私職名銜一大籮,亦有涉及飲食業。才女與富翁沒有私交,只是經常於飯局碰面。才女覺得富翁可能會認識那個飲食業搞手,想打聽一下


富翁說了一番令才女很放心的話,於是才女就夾錢去了。


之後,才女又在飯局碰見富翁,訴說飲食業搞手騙財手段如何卑劣,一班朋友都上當了。富翁說早就料見這樣的下場,因為那個飲食業搞手惡名昭彰,行內無人不知


怎麼當初不是這樣說的!富翁說,他為人素來厚道,從不會在人家背後說壞話。


如果是富翁兒子要與飲食業搞手合資做生意,還會厚道嗎?富翁為何最後又要自招早已知情?說不定是才女得罪了富翁而不自知,所以給富翁送上西瓜皮。


還有一種可能,就是富翁樂見他人灰頭土臉。


世上真有這種人,害人非為謀奪利益;也非為報復,看着人家折墮就會有快感。這等複雜心理可能要找黃重光或曾繁光才能理解,我這等凡人只會將這類人歸納「變態」,見到變態的人就遠遠閃開。


問題是,這類人通常臉慈心險,毫無跡象要防。到懂得防時,就是已經踩了西瓜皮。



7 則留言:

  1. 有D人係最鐘意睇住人哋點死架嘛 !
    [版主回覆06/26/2010 18:26:00]所以唔好死比佢哋睇囉!

    回覆刪除
  2. 3唔識7我唔會信人既﹌ 我覺得個男人扮識野俾意見衰左仲係度話自己有厚度係度兜﹗
    [版主回覆06/26/2010 18:29:00]3 唔識 7 就會防啫,但識嘅就……所謂日久見人心。

    回覆刪除
  3. Never judge a book by it's cover!!!!
    [版主回覆06/26/2010 18:29:00]我唔會以貌取人,但會以言取人。

    回覆刪除
  4. 其實我好唔明點解有呢0的人, 真是好變態
    [版主回覆06/26/2010 18:29:00]大把喱啲人,喺你面前笑騎騎,喺你背後放毒蛇。

    回覆刪除
  5. 你說得故事在商場真的好多。
    不過我也試過另一個情況就是,曾經勸喻朋友某人的誠信,但是最後朋友居然去告訴某人說:喂舸兒咁講喔,系唔系呀。搞到某人來怪罪于我,搞到我好似好是非的人。
    [版主回覆06/28/2010 13:01:00]你之所以好言提醒,是因為你「朋友」是你的老朋友。你「朋友」如此坦誠地告訴「某人」,乃是因為你「朋友」很想結交「某人」這個新朋友。至於你呢,你「朋友」應該是把你當成朋友的,因為有種人的信念是。。。朋友是用來出賣的。

    回覆刪除
  6. scary, very scary...
    [版主回覆06/29/2010 20:20:00]你唔會 scary 啦,你乜嘢人未見過喎!

    回覆刪除
  7. 真係有好多憎人富貴厭人貧的人, 你好佢唔鍾意, 你唔好佢又唔鍾意, 總之你的出現就令佢好唔滿意. 心地唔好同周圍放蕉皮的人真係隨街都係.
    都係唯有要自己自強不息, 唔好衰比想睇住你死的人睇囉 !
     
    [版主回覆06/29/2010 20:21:00]係呀,最緊要自強不息,就算被人銑低都識得彈起身。

    回覆刪除