江順河鮮 @ 尖沙咀 (04-12-10)
一列落地玻璃，可觀賞海景，不過如果坐在座位上，看到的只是鏡。
天花燈是一隻帆船，枱面玻璃也是一隻帆船，專做遊客？
紅燒竹笙雞絲生翅
順德了能三太公（釀青椒，鯪魚球，煎釀耦餠）
碧綠雜菌炒蝦球
秘製雀山蝦醬骨
拍蒜豉汁蒸野生馬面骨魚
翡翠金錢扣玉掌
金牌銅盆污糟雞
魚滑浸田園青蔬
江順招牌炒飯
羊城美點
合時生果
最先上枱的竹笙雞絲翅陣陣清潔劑味。換過甚麼魚茸羮，不覺得有多少魚茸，只吃到豆腐。
馬面骨魚看來像鱔，比鱔還要好吃，亦沒有鱔的多骨。大家圍着這條魚試圖找出十個與鱔不同之處。
甜品又要拿來研究，因為少見，都不知道是甚麼冬冬。這個有椰絲……這個似核桃酥……這個似老婆病，研究一番後，結論是不甚了了。
這裏的waitress大部分都講半鹹淡廣東話，無論落單改單詢問，她們都會問非所答，或索性不理睬你，每次就算芝麻綠豆事最後也要勞駕經理來幫忙。
除左你講果個翅, 其他的賣相都好吸引 wor ...
回覆刪除[版主回覆02/23/2011 23:51:00]不算出色，但都 ok 嘅。
by looking at the decorations and settings, this palce is pretty high class, so why are the waters 講半鹹淡廣東話，無論落單改單詢問? That type of service will ruin the restaurant!
回覆刪除[版主回覆02/23/2011 23:53:00]香港而家好多食店嘅店員都係講半鹹淡廣東話，有啲甚至經理都係，尤其是中式酒樓或者茶餐廳。至於服務態度，就要睇高層點教。
Everything looks super yummmmmmmmy bor
回覆刪除[版主回覆02/23/2011 23:54:00]super 唔講得，普普通通啦。
Reference your last paragraph, I hope things will improve with the upcoming implementation of the $28 minimum wage.
回覆刪除[版主回覆02/24/2011 13:52:00]唔關 minimum wage 事，係管理問題。有種人踢一踢郁一郁，你唔踢佢佢就當唔駛做。香港有啲食肆請人做嘢冇訓練過就叫人出場做嘢，叫人哋見到乜就做乜，有啲人就會理解成咁即係見唔到就唔駛做啦。
我意思係迫住高啲人工就希望有多啲有 common sense ( 基本理智?) 嘅人做. 我覺得 " 問非所答，或索性不理睬你" 唔係訓練問題，而係 基本理智 問題, no?
回覆刪除[版主回覆02/24/2011 22:57:00]我就唔覺得 $28 會吸引到多啲有 common sense 嘅人去做 waitress ，因為有 common sense 嘅人係好少，所以如果撞到個有 common sense 嘅員工係應該升職加薪留住佢嘅，不過，弊在有時候做到老闆或者經理，都唔見得有 common sense 呢，咁點會請個有 common sense 嘅員工，唔驚食咗佢間舖搶咗佢個位咩。
哎呀，希望你錯啦，唔係香港 Motorola...
回覆刪除[版主回覆02/24/2011 23:16:00]你快啲睇埋我新出嗰篇 blog 啦，香港 Motorola 有乜出奇？
去過這家飲茶，可以唔使去多次。
回覆刪除[版主回覆02/26/2011 16:06:00]唔去冇損失。