華南冰室 @ 深水埗 (11-02-11)
初七人日，眾人生日，但不是紅色日子。市面上還有多少店舖仍在休業呢？暫時我見過最長的是「初十六啟市」。
抱着博一博的心態去深水埗，結果看到新香園還未啟市。
還有甚麼地方已經開市呢？在街上浪盪之際，見到一堆人圍攏，發生了甚麼事呢？我是問我老公，旁邊的人搭嘴說是食環處職員打阿伯。
連街市樓上熟食檔都巡視過了，也是未啟市。正在徬徨何去何從，看到對面的華南冰室。
招牌上的字從右至左，就知道是那一個年代開業，再看玻璃櫃裏的糕餅，就知道麵包師傅的年紀。
推門內進，由企堂到茶客全都是銀髮族，真是千載難逢的機會，我竟是全場年紀最小的一個。
叉蛋治＋菠蘿油＋蛋糕＋奶茶x2＝$39.50。便宜過大ＸＸ，好食過大ＸＸ。其實我真的很不願意見到，舊區重建變成一座座屋苑，倒模的商場，一家又一家的大ＸＸ、美Ｘ、麥ＸＸ。
叉蛋治未食過喎?
回覆刪除[版主回覆02/12/2011 20:57:00]通常食餐蛋治？
Good place for some great breakfast!
回覆刪除[版主回覆02/14/2011 00:09:00]新年好多餐廳酒樓都爆晒棚，舊區茶餐廳又唔開，真係搵食艱難。
聽說今年最好的開市日居然是過了初十！大概因為唔憂做，所以大家都願意選擇多休息幾天啦。反正有大XX，美X 等年終無休。
回覆刪除[版主回覆02/14/2011 00:09:00]其實而家好多餐廳酒樓百貨公司年初一都會開門營業，但擠擁到瘋癲。反而老店會休息十日八日，可能係自置物業，唔駛咁博。
可能我冇乜冒險精神，有時大XX或美X等有一個好處，未行入去已經心裡有數，睇完是日餐牌唔啱又可以行番出去，唔會尷尬，所以有時都幫我唔少。特別係到一些言語不通的地方，麥XX及雞叔叔等都係我的救命地方，因為有圖片兼有概念，唔會大鄉里唔識點叫。
回覆刪除[版主回覆02/14/2011 00:10:00]但我覺得大 XX 同美 X 超搵笨，嗰啲所謂火腿通粉得兩條火腿絲，所以早餐同下午茶我鍾意幫襯茶餐廳多啲，當然，茶餐廳都有高有低嘅。
宜家要舊區先有所謂的冰室、士多了
回覆刪除[版主回覆02/15/2011 14:19:00]深水埗而家好多舊樓比人收購重建，冰室、士多、雜貨店只會越嚟越少，趁仲有要去多啲。