工展會

又去工展會了。

上班的上班，上學的上學，人山人海的逛工展會是甚麼人呢？給人推推撞撞的行了一個小時，怕怕，離場。

就是這些了。

夫：「嘩，兩個太空綿枕頭$298，平過屋企嗰個好多喎，咁抵要買喇！」
妻：「買咁多枕頭做乜呀？」
夫：「買返大陸用囉。」
妻：（買枕頭返大陸！）

夫：「$158嘅飯壺，平過嗰啲象嗰啲老虎啦，買返大陸用好喎。」
妻：（又買返大陸用！）

妻：「海綿$40五個，啱晒，買嚟大掃除。」

妻：「黑珍珠花生舊年買過啦，係花生衣黑色咋喎，食落冇乜特別啫。」
夫：「買啦買啦，睇電視有嘢食嘛。」

夫：「特價$88五包，再送多兩個麵餅，抵買呀。」
妻：「屋企仲有好多蝦籽麵呀。」
夫：「買啦買啦，食唔晒咪拎比老豆食囉。」

夫：「買三樽平啲呀，買啦買啦，買埋比老豆囉。」

妻：「吸盤$20一個，幾趣緻噃，買番個先。」
夫：「買五個細送兩個大，買五個抵啲喎。」
妻：「買咁多做乜呀，邊有咁多嘢黐啫？」
夫：「買啦買啦，用唔晒咪拎番去比老豆用囉。」

又說綠色的是螢光，給人騙了。

妻：「嘩！買個$1999嘅煲，加$1就可以換個$2XXX嘅煲，咪即係買細送大，好抵買呀！」
夫：「……蝦……嗰邊咁墟冚嘅，去睇吓有咩睇先……」
（……繞場一週，返回原位……）
妻：「嗰個人摸我個煲喎！」
夫：「唉，買啦買啦。」
妻：（）

回家後，發覺橢圓形那個煲內籠非常粗糙，於是再第二次入場換煲。一個煲有八磅 ，所以這次帶了旅行喼。

售貨員說用多了就自然會磨滑，可是這種煲不能用刷洗，像指甲挫般的內籠怎用抹布或海綿。由於剩下的不多，最滑那個不是原色，只好換了個紅色。

反正有個旅行喼，拖着繞場一週。



夫：「浴室地毡$30，買三張送兩塊抹布，買啦買啦，多咗咪比老豆囉。」

妻：「麥皮套裝$35，抵買！」

夫：「三罐$50，抵買！」

售貨員：「豬腿骨一包$45，兩包$XX，三包……」
顧客：「一包得喇，皮包骨咁，試吓好唔好食先啦。」

所謂無事出街少破財，明年不去工展會了。