2010年11月19日 星期五

清明上河圖



清明上河圖 @ 博覽館 (16-11-10)


朋友去尖沙嘴排了三個鐘頭隊買票。



相約青衣城飲茶,再坐機鐵去博覽館,票價$60,回程返回青衣站下車,回贈$18。



由青衣站到博覽館站,每三步五步就會見到有職員指示方向,站內站外都佈滿鐵馬陣,不見人潮蜂擁,行得很鬆動。



第一次見識博覽館,原來要走那麼多長廊。



長廊兩旁有不少食店,但似乎引不起參觀人士的興趣。







餐牌註明清明上河圖,不知是否展覽期間的特約食店,照說每天四五萬人次進場,應該應接不暇賺得盤滿砵滿,但實況可能是慘淡收場。



反而買清明上河圖複製品的人很踴躍。



每場3500人,連等候區也大得驚人,也空盪得嚇死人。





等候區間開兩半,前半區大概是怕有人等得發悶,安排了個小規模的動漫展,但羣眾寧願一早去排隊霸頭位。

   


連等候區的小吃部,一樣拍烏蠅。





有個小檔攤介紹離島遊,答中問題有獎品。



後半區為排隊入場區,貼住牆邊繞場一週方可進場。



展館的入口處兩旁,展示一些古董文物。







120m x 6m的波浪型屏幕,屏幕下一條小溪,波光粼粼,進場一刻,的確非常震撼。





   


但其實只不過是看卡通片,每四分鐘一次日夜循環,那就是說每場重播十五次。

















最多人擠集的地方就是中央的虹橋,觀眾都是等着看豬出場,等完又等,看完又看,每四分鐘就「嘩」一次,莫名奇妙。



這位導遊高舉着牌走來走去,比閃光燈更滋擾。



場內有複製清明上河圖及畫內模型。





其實半場後,參觀人士已經少了一半,但完場時,亦有不少人要人家三催四請才肯離場。




8 則留言:

  1. 我去過一次博覽館睇城城 concert,我話過以後唔會再入去睇嘢....山長水又遠 !
    [版主回覆11/20/2010 20:46:00]我喺青衣城坐地鐵入去又覺得好快喎,一個站咋。

    回覆刪除
  2. The Expo site is beautiful, too bad not too many customers! 
    [版主回覆11/20/2010 20:45:00]其實每日有幾萬人去博覽館參觀清明上河圖,冇人幫襯食嘢,我諗係因為個個都覺得博覽館會好貴(好似機場咁),同埋以為會好墟冚,會冇位,最重要係,其實冇乜好嘢食。

    回覆刪除
  3. 我要月尾先去睇,睇完你呢段文章,可以降低少少期望。(其實我冇諗過睇,只係家人買票預埋我 )
    [版主回覆11/20/2010 20:47:00]我都係比人夾硬拉去睇架。
    十蚊睇一睇就唔係貴,但交通費貴呢。

    回覆刪除
  4. 0的食店真是好冷清, 真是慘.
    [版主回覆11/22/2010 20:09:00]佢哋投標時可能以為每日幾萬人次入場,會好好賺卦。

    回覆刪除
  5. 睇完電視介紹後, 見到D人迫到死吓死吓, 即刻冇晒心機去睇。唓!有心機睇都冇用啦, 因為都冇飛賣 !
    [版主回覆11/22/2010 20:12:00]遠睇唔迫架,近睇就好迫喇。我見到好多學生喺度玩捉衣因添呀。
     
    竟然有話炒到二百幾一張飛,早知叫朋友買夠四十張飛啦。

    回覆刪除
  6. 買唔到飛呀 ...
    [版主回覆11/24/2010 00:17:00]我當初就係知道會好墟冚,所以咪搞我,但有朋友肯排三個鐘頭去買飛,所以我先去睇。

    回覆刪除
  7. 哈.. 我都冷手執個熱煎堆, 有朋友多咗張飛, 益我.
    真係唔明點解d人係都要等隻豬出來架喎? 有其他嘢唔睇, o係度等豬. 證明, 香港人, 男女老幼, 對豬係有情意結的.
    [版主回覆11/24/2010 12:50:00]香港人唔係對豬有情意結,而係對傳媒有情意結,傳媒報導過有隻豬閃出嚟,所以一窩蜂去等隻豬出嚟,睇完又睇,影完又影,以證明自己睇到隻豬,「霸」到隻豬,「霸」得最耐。黐線!

    回覆刪除
  8. 和那麼多人一起看電視都還是第一次。下次TVB大劇都應該去那裡搞,可以帶旺周邊食肆,都算是有點貢獻。要不,這個場真是靜到恐怖。
    [版主回覆11/29/2010 18:06:00]係呀,清明上河圖已經好墟冚架啦,完咗清明上河圖都唔知道點樣環境咯!

    回覆刪除