2010年10月8日 星期五

棄嬰



又發生棄嬰了,應該說是殺嬰。17歲少女家裏誕嬰後,求助男友,16歲爸爸到場袋走嬰兒到山邊掘地埋嬰。


每年都有幾宗,不是掉落街就是沖落馬桶,這些案件的少女,都是懷胎十月沒被家人發現。家裏有人肚子一天一天漲大,竟然無人察覺,可想這是個怎樣的家。


又有甚麼青少年問題、家庭問題的專家發言,說悲劇是因為政府在學校推行性教育不力,提議政府加強性教育,讓青少年知道婚前性行為是錯的!


有人60歲結婚,有人16歲結婚,將對錯界定在婚前婚後,是不是太膚淺呢?如果這樣都可以做專家,那麼,長洲那些九十歲的老太婆也是專家了。既然專家、父母、學校歷來都強調婚前性行為是錯的,為甚麼問題依然還在,可不可以改變策略路向,實際一點去解決問題呢?婚前性行為是錯的就等如性教育,悲劇接二連三,其中一個原因就是香港有不少這樣的「問題專家」。


我讀F5時,臨近聖誕節,阿Sir很鬼祟的探頭在課室門外看左看右,然後關門走到課室中央,俏聲的對我們說,如果聖誕節出了事,不要去做傻事,去家計會找幫忙,他們有一隻藥叫Morning After,五天之內吃了就不會懷孕,家計會是不會通知父母亦不會報警。阿Sir講話時一直盯着門口,說完後吩咐我們聽過後就要忘掉,絕不能在學校談論,除非出了事才要記住他的話。


我中學畢業了幾年後,家計會開始宣傳「事後丸」,呼籲被強姦又不想報警的女士到家計會求助。又過幾年,家計會在聖誕節前,提醒少女參加party要小心,不要光顧無牌醫生墮胎,詳盡介紹他們的「事後丸」,叫少女們安心到家計會,家計會不會向任何人透露。這下出事了,引起各方人士好大反應。


甚麼某家長、一校長、一老師、某學者、某宗教團體、一市民等等,紛紛投稿報章指責家計會鼓吹少女濫交,造成社會墮落,更要求政府立即廢除家計會。家計會本想出巡到學校辦講座也得擱置,更從此好多年都不敢再提「事後丸」。


又過幾年,少女非法墮胎死亡;誕嬰後掉落街等新聞依然不絕。C9同事們聽見這類新聞,議論紛紛,慨歎時下年青人做事不經大腦,我就插嘴說如果她們一早去家計會食事後丸就可以避免悲劇。我那些同事竟然沒有聽過事後丸,她們瞪大眼睛懷疑我怎會知道家計會有事後丸,我就說讀F5時阿Sir講的。


C9同事聽見馬上呱呱大叫,問我讀哪一間學校,竟有如此下流的老師教學生去家計會食事後丸。他沒有教,他只是提點。C9同事再聽不入耳,聒噪不已。至此,我才明白當年阿Sir為甚麼要那麼鬼祟。


到今天,已經2010年了。我竟然聽見有朋友不准女兒交男朋友直到大學畢業,有男同學打電話來,叫對方以後不准再找她的女兒。其中一個朋友更是在外國讀大學,嫁的是鬼佬。我問她們如果女兒硬是要拍拖可以怎樣,她們說女兒有本事就別讓她知道,否則一定會阻止。


現今的少女真的很有本事,可以由懷孕至生產都不讓家人知道,瞞着父母交男朋友又有何難!


為甚麼做父母不可以預先跟女兒商量一下,萬一懷孕該如何處理?因為父母自身也不知道可以怎樣處理,所以一刀切,不准女兒交男朋友,那就不會大肚,那就不用處理。很不幸,還是懷孕了,知道父母根本幫不了忙,所以不會找父母,把嬰兒掉出窗外,沖落馬桶,像她們的父母一樣,以為一刀切,就可以當作沒事發生。



10 則留言:

  1. The sex education part in HK is not up to date....Chinese people always view SEX as a crime, and don't talk about it at home....
    [版主回覆10/08/2010 22:28:00]家長話應該學校教,學校話應該搵專家教,專家講句「婚前性行為是錯的」就當教咗架喇。

    回覆刪除
  2. 我早幾年前都已經開始灌輸Emily性教育, 說無論如何, 在未肯定需要小朋友之前, 一定要做足安全措施來發生性行為, 不時同佢講無論發生咩事我哋都會支持佢的, 我們沒有避而不談, 我想這對她來說會較好, 起碼這個不是什麼天大的秘密。
    在她小學的時候, 我也已經拿些衛生巾給她玩玩, 要她試試怎樣用衛生巾, 不要一天真的月經來的時候手足無措(因為當年我就是如此手足無惜)。
    那些未婚生子的少女, 大都是在些父因要日出而作日入而息的家庭下長大, 父母起床的時候他們未起床, 又或者已經返咗學; 而父母收工回家的時候佢哋又已經瞓晒覺, 基本上除咗檯面見到零用錢之外, 都唔會見到父母多一面, 所以一日好多個小時都係佢哋自己一個人, 做咩都冇人知。
    不過我每次見到D少女生完之後就丟咗D親生骨肉我個心就乸住乸住, 畢竟佢哋都係一條小生命, 一係就一早唔要佢, 唔好等佢成晒形生埋出嚟先殺死佢 !
    [版主回覆10/08/2010 22:31:00]父母再忙都冇可能十個月內冇見過個女一面,見得少就更加容易發現體型有變。教女唔駛同個女好嚴肅咁上堂咁上,可以睇住新聞問吓個女:如果係你大咗肚你會點?但我見到好多阿媽剩係識問個女,做晒功課未,溫咗書未,考試幾多分。唔准個女拍拖又冇解釋,剩係對個女講,我話唔准就唔准。
     
    你不如寫篇 blog 講吓教女心得啦。

    回覆刪除
  3. BTW, 中學的時代, 一年總有一兩天要去特別室睇碟, 其實都係D咩男仔發育, 女仔發育的教育碟, 不過就重慘過睇咸碟咁, 要鬼鬼祟祟去比人帶去睇, "完事"之後就會每人派發一包衛生巾, 又係例牌的偷偷摸摸帶返課室收埋書包。
    [版主回覆10/08/2010 22:34:00]睇咸碟?  睇怕都係卡通片,分分鐘係火柴人添啦,咁仲駛唔駛專家講解?
    點解有禮物收咁好嘅,贊助商搞架?係咁就應該每個月搞一次噃!

    回覆刪除
  4. 無言,嘥氣
    [版主回覆10/08/2010 22:36:00]你話我嘥氣呀?

    回覆刪除
  5. 我係話果班花ling king呀,把鬼火,痾舊屎好過痾佢地出lai
    [版主回覆10/08/2010 23:28:00]我講笑啫,唔好 啦。

    回覆刪除
  6. 五星下的三星2010年10月9日 上午8:36

    性教育?當年讀書時只有女仔可以去「睇片」,男仔?咪靠咸書囉。 所以大部份男性的性知識都係知d唔知d。 事後丸某程度上只係一個下策,因為防到懷孕都防唔到性病,所以我覺得都係德育入手好d。 至於用咩方法幫助年青人解決如洪水猛獸的慾念,只係叫佢地去打波?好似唔係好work,但係可以點做呢? 一係改為容許少年人14歲結婚(家長簽紙),等佢地忍多一陣就可以名正言順。畢竟而家d年青人11,2歲就在生理上ready好。
    [版主回覆10/09/2010 15:58:00]事後丸只係補救嗰啲事前乜都唔做嘅人,總好過掉個BB落街或者上深圳。
     
    曾幾何時,亦有人提出過喺公廁度擺放免費避孕套,咪一樣有啲乜乜青少年問題專家反對,話無知青少年見到免費避孕套就會攞去性濫交喎。唉,無知青少年仲可以慢慢教,有嗰啲無知中年做專家先至係禍害。

    回覆刪除
  7.  你個阿sir 好鬼馬.
    你d C9同事唔知咩係事後丸? 純情成咁? 真得人驚!!!
    家下我都有俾龍豬睇性教育O既公仔書. 佢好鐘意睇架, 日日都會講下男仔女仔有咩唔同. 反而公公婆婆見到D公仔書有少少尷尬.
    [版主回覆10/10/2010 01:40:00]嗰班 C9 同事一坐埋就剩係講明星架咋。

    回覆刪除
  8. Was that teacher a 國文教師?  Back in my days, they doubled as sex ed teachers.
     
    You had some very weird C9 colleagues back then...
    [版主回覆10/11/2010 00:03:00]教 EPA 。我嗰時邊有 sex ed teachers ,冇人教架。阿 Sir 都冇教架,只係提供資料以備不需。

    回覆刪除
  9. What's EPA?
     
    I meant the Chinese teacher at times disclosed some sex ed information.  There was definitely no "sex ed" in my days.
    [版主回覆10/11/2010 00:33:00]Economics and Public Affairs

    回覆刪除
  10. 咁就冇左一條小生命 ...
    性教育真係要重視 ...

    回覆刪除