品香樓 @ 石硤尾南山村 (05-07-09)
幾年前，在浸大讀短期課程時，上完最後一堂，一位同學帶我們一班同學去品香樓，說是城大飯堂，平靚正。
場面極之墟冚，針也插不進去，同學有點地位，老闆馬上找張小枱安置我們一大棚人。大家就手貼手背貼背動彈不得地享受我們的畢業聚餐。而在此地盡情喧嘩，身旁的人也不一定聽得清楚。
這天，帶着忐忑心情重踏此地，如果墟冚依然，就得掉頭走。
以前一個舖現在兩個，以前茶餐廳，現在有點歐陸風。
竟然不用等位，進去隨便找個卡位坐，哦，給冷氣吹個正着，就換個卡位吧，也不行嗎，再換，換個滿意的。
龍鳳檸樂
不要笑人家七喜溝紅酒，我們的鹹檸檬與鮮檸檬溝可樂，一樣搞笑。
蠔仔粥
認真麻麻，哎吔，誰叫你七月天吃蠔仔！
黃金蝦
鹹蛋很惹味，但蝦就沒有蝦味，五十八元還期待甚麼蝦呢。
火焰黑椒牛柳粒
玩花臣而已，那些微弱火焰是不足以影響碗上的牛肉，如果玩得徹地，應該關燈。
豆豉鯪魚油麥菜
鯪魚呢？其實有一點點的。
這一餐兩百有找。
呢間我以前都成日去..不過我覺得服務好差
回覆刪除[版主回覆07/18/2009 23:36:00]嗰日就幾好喎，比我周圍坐搵個唔凍 嘅位。
帶着忐忑心情重踏此地? Why?
回覆刪除[版主回覆07/18/2009 23:37:00]因為上次去好 墟冚好 迫人 ，但我老公 冇去過就好想去，最後決定如果見到場面 墟冚就走人。
呢間真係平靚正, 不過真係太嘈!!! 下次試下乳鴿呀, $28一集, 好食過龍華喇! 仲有d魚都唔錯, 可能下面係街市, 新鮮d!
回覆刪除[版主回覆07/18/2009 23:38:00]如果 唔駛等位，我都好樂意去多 啲 。
個黃金蝦好正 wor ....
回覆刪除[版主回覆07/18/2009 23:38:00]幾惹味，但 冇蝦味，不過咁平， ok 啦。
裝黃金蝦個鴨籃幾搞鬼
回覆刪除[版主回覆07/18/2009 23:39:00]喺十蚊店見過，其實十蚊店經常見到餐廳用 嘅碗碟。
6點3前到一定有位...or book 定位先囉, 我有佢咭片喎!
回覆刪除[版主回覆07/19/2009 00:08:00]我去 嗰日八點半都大把位，唔知係咪落雨，不過 啲細到 唔駛擔遮。
除 咗喜慶日子，好少訂 枱食飯，通常玩即興，會再去 嘅，最多見到多人就走人囉。
其實我不反對七喜溝差的紅酒，像西班牙的聖格瑞塔，佳是因為紅酒難以入口，所以用來做雞尾酒。我們祖國暴發戶是拿好紅酒來暴斂天物，才被人瞧不起。雪碧溝差的紅酒，取名雪里紅，當堂優雅嗮
回覆刪除[版主回覆07/20/2009 20:17:00]雪里紅！好畫意的名字！
我們祖國暴發戶總是以暴殄天物為身份象徵。
as your description, seem..................
回覆刪除[版主回覆07/20/2009 20:17:00]以 咁平嘅價錢，絕對滿意。
I guess when you bare with friends, all things taste good, but now you are back alone, things are a little different la!!
回覆刪除[版主回覆07/20/2009 20:21:00]上次每人夾幾十蚊大魚大肉，覺得平到笑，當年碟頭都大份啲架。呢度絕對係 「平」 ，但就未算 「 正 」。如果開係我屋企樓下，我肯定會經常幫襯。
個蝦同牛柳粒個樣睇嚟都ｏｋ喎 ．
回覆刪除[版主回覆07/20/2009 20:22:00]蝦 $58 ，牛柳粒 $48 ，真係好抵食！
早D去就冇咁多人 !
回覆刪除[版主回覆07/20/2009 20:23:00]我第一次係星期六六點零去到，人山人海，今次星期日八點半去，就只得一半人，大把位坐，有時食飯都要講緣份。
CityU is next to Festival Walk, no?
回覆刪除[版主回覆07/23/2009 13:11:00]係呀，城大 喺又一城同 南山村 嘅中間，去兩邊都咁方便 。
So, walking distance from the kowloon tong MTR station?
回覆刪除[版主回覆07/23/2009 14:31:00]你是說 南山村？那應該是 「 石硤尾 」地鐵站行過去。如果又一城去 南山村，坐的士都可能要三十蚊。