天后叻沙 @ 天后 (26-04-08)
不少香港食肆都是餐枱細細，以求多做生意，〈天后叻沙〉更將枱櫈「提升」至幼稚園學生用的size，真令人啼笑皆非。
店細枱細，雖然只坐了一半人，也覺得很焗促，連飲品叫了五樣，那張小枱根本放不下，本來借旁桌用一下，不過後來有人坐下來，就得狼狽的收拾殘局。
脫脂牛舌喇沙 $49
牛舌是店方提議我和議，但脫脂則是店方自把自為，所謂脫脂是指用脫脂奶做湯底。湯味道濃郁很不錯，但牛舌實在「淋」得過份，而且完全沒有牛舌味道。
海南雞飯 $48
以前做東南亞菜的餐廳都以海南雞飯為招牌菜，不過現在已經不容易吃到好的海南雞飯。就看這個，湯像水，雞沒有味道，飯乾沒有油光當然也沒有雞油味；初時還以為是白飯；吃下去又覺得…反正吃不出是甚麼味，伴碟的醬料是兩個豉油一個薑蓉，缺了辣椒醬。
乳豬脾骨串 $18
比雞脾還要小的乳豬脾，用上黑椒汁，所以覺得很惹味。
黃金蝦卷 $20
香脆可口，勝在份量小，不會「漏」。
藍莓蘆薈爽 $25
我都試過係一間冇咩人既日本食肆俾服務生叫我搭人地枱. 我梗係唔制, 終於到走果時都坐唔到一半客.
回覆刪除[版主回覆05/09/2008 17:39:00]喺呀，香港真喺有好多自大狂 嘅 食肆 ，冇人都要搭 枱；卡位又要兩個人迫埋坐一邊，竟然夠膽話如果一陣間多人點算 喎， 咁 咪等多人先至叫人 搭 枱坐埋一邊囉！
天后都好似幾多嘢食咁，我都要搵日叫為食兵團一齊去試吓先．
回覆刪除見到個春卷，即時諗起Mrs Teacher的，希望有一日可以試到佢ｄ手勢啦！！
係，我都覺得在香港要食好味的海南雞飯唔容易，有時覺得美心重好食過有ｄ打正旗號話自己係正宗o個ｄ!
[版主回覆05/09/2008 17:47:00]天后 喺好多 食店，不過 唔多爆棚，有 d 仲 喺次次行過都 冇人架，但咁多年嚟都仲 「健在」 喎 ，可能閒日多街坊幫襯啦。
咪係囉, 一陣多人就會識做架啦. 而家咁做就係趕客.
回覆刪除