2010年9月11日 星期六

新界一天遊



二零一零年八月八日

中文大學 + 坪輋士多啤梨園 + 廣成冰室 + Lanciano Ristorante






去中大飲茶,在門口的上下左右都找不到名字,門口貼了幾張餐單,上面寫着「中菜廳」三個字,難道「中菜廳」就是餐廳名字?卡片上印着「美國三文治公司」,地址是:中文大學范克廉樓學生飯堂及中菜廳,英文是Student Canteen and Staff Restaurant, Benjamin Franklin Centre。中英對照下,中菜廳 = Staff Restaurant,范克廉樓就算是食肆名字了。



星期天中午飲茶時段,人只有半滿,可以隨便坐,坐得非常寬敞。

好大個冬瓜盅只賣$68,覺得超便宜,最後四個人也吃不完。




再叫其他點心,埋單兩百多,也算便宜,如果是教職員,還可以免茶介加一。

    

    

    


到「中菜廳」不想喝普洱壽眉,可以喝奶茶咖啡。






食飽飽後,去坪輋。

雲泉仙館後面有個士多啤梨園,士多啤梨園要入冬後才運作。夏天園主只會在週邊種些瓜菜自享。






園主伯伯很好人,由得我們周圍行、周圍搞,更少不了經常…咩嚟架…點解呀…………

每次園主伯伯聽見「好靚喎」,他就會摘下來叫我們拿回家去。


       


園主伯伯拿出一個兩呎高的冬瓜問我們要不要,當然不要了,恐怕擺到生蟲還沒吃得完,之後再搬一個小一點的出來,與其他不相識的人商量過後,分成三份各自要一份。

   





給太陽曬了兩個小時,人都給曬乾了,要去上水廣成冰室吃紅豆冰。



竟然不用排隊?可能將近關舖,不過裏面依然坐滿人,非常擠迫。

店鋪小小,但樓底高高,高得可以加建樓上雅座。廣成冰室62年開店,綠色牆身是當年非常流行的裝修顏色,不過依然非常光亮就有點出奇,應該是近期翻髹。燈制風扇制也顯示出歷史痕跡,正在懷疑是否功能正常,收錢伯伯聽見馬上開開關關證明。




除了散叫,沒有ABC餐,只有早餐同茶餐,但其實早餐同茶餐95%相同,連價錢也一樣,不如索性叫all day breakfast。

圓錐形的冰,不知是否因應溶冰時間想出來的,如果是就很有心思。











馬路上看見碩果僅存的「村巴」,行走石湖墟馬草壟之間,這種交通工具以前新界常見,人人叫豬籠車,當時不是藍色的,就是普通貨車,髒兮兮的。偏僻村落,路都是泥路,村民出墟都要坐豬籠車。






晚上到大埔Lanciano Ristorante食飯,我是第二次來,大家提議由我發辦,不過除了soufflé及心太軟外,我不記得上次吃過甚麼。

看見釀冬菇,會不會寫錯了,是蘑菇吧。原來真的是冬菇,大大隻的冬菇。




   

   


大家商量過,我們都有第二個胃放甜品。不過,waitress說soufflé、心太軟這些要用焗爐的甜品要等一個小時,再提示我們另叫其他。

   

   


有一款甜品,從未食過,也未聽過,好奇下叫來試。看那個卷筒,以為是類似雪糕筒那種脆皮,原來卻是硬到不得了,像咬石頭。


9 則留言:

  1. This is all in one day? 
    [版主回覆09/13/2010 14:20:00]係呀,點呀,係咪覺得我哋行程緊湊,食用豐富呢?

    回覆刪除
  2. 最尾果餐
    [版主回覆09/13/2010 14:20:00]你鍾意食西餐?

    回覆刪除
  3. (Empty)
    [版主回覆09/13/2010 14:21:00](Empty)

    回覆刪除
  4. 五星下的三星2010年9月13日 下午2:53

    乜你冇睇麥兜咩?早咪即係茶餐,快餐即係常餐…… 呢隻村巴真係完全未見過,長知識了。
    [版主回覆09/14/2010 15:29:00]
    未見過喱隻村巴,你就唔好成日話老喇,否則我喱亭耆英唔知要用咩形容詞。
     
    佢哋兩個餐都係牛肉通粉,分別只係早餐係炒蛋+菠蘿包,茶餐係雞蛋三文治,所以我先覺得好笑。

    回覆刪除
  5. That's a great One-day trip...university settings for breakfast, country style settings for lunch and nice western style dinner!!
    [版主回覆09/14/2010 15:31:00]其實時間上係咁嘅,一點鐘中文大學飲茶,五點半廣成冰室食下午茶,八點鐘 Lanciano 食 dinner 。

    回覆刪除
  6. Sorry, I totally forgot that HKers have a great 下午茶 all set up for them!!   We never have that type of luxury here in the US!!
    [版主回覆09/15/2010 23:10:00]其實係因為香港租金貴,我哋行到腳仔軟都冇地方可以坐,要坐就要比錢幫趁。

    回覆刪除
  7. 當年, 我地要黐講師呀教授呀先有得入staff canteen 食餐好咋! 平時唔俾學生入架!
    呢個士多啤梨園呢, 估唔到個阿伯咁熱情喎.. 我地去親都係為咗士多啤梨.. 諗諗下, 有塊田種嘢都幾好喎!
    [版主回覆09/16/2010 23:57:00]而家新界有好多乜乜園有得租塊田種吓菜,龍珠有冇興趣呀?

    回覆刪除
  8. 我地以前住個屋苑有"田"出租俾住戶, 當年有租過來玩(仲陀住龍豬). 最開心o既係公公婆婆, 翻土施肥播種. 種咗蕃茄同向日葵! 呵呵.. 但見到隔離塊"田"種好多好多玫瑰花, 好靚!! 
    假如家下去新界租來玩, 最開心o既應該都係公公婆婆. 不過佢地會不停um chum, 話o係街市買仲平啦咁
    [版主回覆09/17/2010 15:24:00]乜咁好呀,屋苑都有田出租,唔通係元朗嗰個屋苑?

    回覆刪除
  9. 元朗個唔使租, 係屋前屋後種都得啦!
    o係將軍澳.. 塊"田"好細, 只得4x3呎.. 咁上下啦.. 唔係好記得.

    回覆刪除