2011年3月4日 星期五

奶粉慌



以前,只有白粉令人墮落,今日,奶粉竟也可令人墮落。


報章說有超級市場職員囤積奶粉牟私利。如果將自己家裏的奶粉轉售,只要有人肯買,能賣一千元一罐也是你的本事,但扣起公司的貨拿出去高價轉售,應該是犯上刑事法例,類似店鋪盜竊或者挪用公款,對吧?照說,應該是超級市場主動報警,炒魷魚,起碼馬上停職,奇怪是超級市場似乎對這件事沒甚麼反應,反而皇帝不急太監急。


香港人真的甚麼都可以炒,甚麼都可以囤積,九七時候女皇頭的硬幣及郵票,麥當奴公仔,當今的埃瘋,當然還有樓房股票。


如果家裏的大牛龜電視有人用十萬元幫我買,我一定賣,我不會覺得我謀取暴利,我只會覺得買的人錢太多,既然天賜橫財,不要就笨。但奶粉是BB的唯一食糧,炒奶粉是不是太缺德呢?我最初是這樣認為的,不過經過深入調查……其實是看了媒體報導,最後,我還是認為:買的人錢太多,既然天賜橫財,不要就笨。


認真想想,奶粉怎會是BB的唯一食糧,還有人奶呢?既然鬧奶粉慌,為甚麼還要堅持買天價奶粉呢?由上水到鴨利州也撲不到奶粉,聽上去很悽慘,但原來只是某一兩隻奶粉缺貨,其他牌子依然在架上。又有個媽媽說,BB好慘啊,已經兩個星期沒有奶粉吃;只好吃麵包。已經可以吃麵包的BB,應該也可以吃粥了吧,沒奶粉吃有甚麼大不了!


為甚麼大陸人香港人都要爭買一隻牌子的奶粉?我相信是因為這個牌子宣傳到家。大陸人一向很崇尚高蛋白質食品,三鹿就是標榜高蛋白質成為名牌子。這方面,香港也不惶多讓。看看我們的土產奶粉廣告,奶粉都說添加了ABCD……Z,BB吃了就會變作數學神童、語言神童,到最近的「BB有便便」,從中大概可以知道,奶粉商及廣告創作人都認為香港媽媽是白痴,她們的錢很容易賺。



7 則留言:

  1. 五星下的三星2011年3月4日 清晨7:28

    講起BB有便便呢個廣告就覺得白痴,如果養到個BB唔識便便,根本就應該係父母有問題(我諗天生有問題的嬰兒唔係咁多卦…),從前家中細妹出生時,最多留意係咪熱氣便便,邊會搞到有便便好似中彩票咁? 講到搶購同一牌子奶粉又係白痴行為,唔通其他牌子食死人咩?以前細個窮時,家中偶然用「鷹嘜煉奶」幫下手都係咁養大我啦,又唔見我死。 所以話而家新一代特別巴閉(兼低智 ),好彩近日家中有人生左BB(就係上面講的細妹)並冇參與呢個搶購某牌子行為。
    [版主回覆03/05/2011 00:58:00]而家生仔通常都係開刀,唔知係咪麻醉藥後遺症,生完仔腦筋就麻痺咗,唔識諗吓件事合唔合理。人哋個個BB都食嗰隻奶粉,我唔跟風,第日仔女唔夠人哋高大,唔夠人哋多才多藝,咪好蝕底囉。讀過書都咁諗先恐怖!

    回覆刪除
  2. 奶粉都炒............唔通啲BB都會得罪咁多位大佬..........唔好咁無陰功....因住報應係自己BB身上(無XX)............
    [版主回覆03/05/2011 01:02:00]有種人唔驚有報應,只驚冇錢。

    回覆刪除
  3. 呢次唔關港人事,係d大陸人做ge好事,佢地走水貨,hk人驚畀佢地搶晒咪買定lor,
    [版主回覆03/05/2011 01:02:00]大陸人專掃某隻牌子啫,其他牌子大把貨。收埋奶粉高價轉售比大陸人咪又係香港人。

    回覆刪除
  4. 而家D BB的確比我們小時候聰明又大隻,那些ABCD確實神奇。D媽媽朋友說如果自己的BB 不吃這些加料奶粉,怕是不夠競爭力。所以再貴也要買。有需求的產品自然有人炒作。我在想那些ABCD究竟是什麽?會不會有副作用呢?
    [版主回覆03/05/2011 01:06:00]ABCD 係啲乜嘢,有冇副作用,啲阿媽係唔會理,佢哋只係諗住點同人哋爭。
    除咗奶粉,仲有嗰啲乜嘢發展潛能班,好多父母都唔知道喱啲班係學乜嘢架,不過見個個都報名,又報埋一份,就係驚唔讀唔夠人爭喎。

    回覆刪除
  5. I am not sure why... but many of my Chinese friends give their baby formula rather than whole milk after they turn 1. I think people need to start raising their children by spending quality time with them rather than relying on playgroups and formula!
    [版主回覆03/07/2011 20:30:00]我都問過嗰啲媽咪架,佢哋咪話個個媽咪都係咁,如果唔照跟驚仔女輸蝕比人哋喎。

    回覆刪除
  6. I think Southern Gal got a point there, I am not a mother and really don't have much m,emory about how and what my son consumed when he was in his baby stage..But I am sure all baby formula or whole milk will work on any baby...the brands are just names...
    [版主回覆03/09/2011 15:42:00]弊在好多港媽冇乜 sencse 呢,聽講話喱隻奶粉營養高啲,食咗會聰明啲,就會仆去買,但問佢邊個講架?營養點樣高啲?點聰明咗?就答唔出,剩係話既然個個都食喱個牌子,我個仔唔食如果第日唔夠人掙咪好蝕底囉。有啲人雖然出生於城市受過教育,但言行十足個清末扎腳拜神婆咁。

    回覆刪除
  7. 曾經是奶粉買家. 有頭髮邊個想做癩痢. 人奶出唔到, 唯有用奶粉. 其實媽媽奶又有營養又有抗體, 個個bb都想要. 不過, 我都認同, 好多媽媽真係好迷信有d奶粉的神奇作用.
    "bb有便便"...  唔止便便, 係吃喝拉睡呢幾樣. 頭一年, bb 唔識講嘢, 冇便便, 即使有d 硬便便, 係身體不健康的訊號. 所以d父母見到bb有便便會好開心.
    我的小朋友其實飲奶粉會病, 唔知點解. 仲要係飲咗好耐之後先知. 到了一歲, 我們都已盡量不讓他喝奶粉. 後來, 就乾脆不喝了. 跟一個朋友分享, 他大驚, 覺得每個小朋友每日都要有一定份量的奶粉. 認為我沒有盡到母親的責任. 他認為小朋友飲奶粉會病那一定有問題, 要看醫生找出問題後, 可以再次喝奶粉. 好像很有邏輯, 其實很荒謬.
    [版主回覆03/18/2011 00:18:00]我可以講搶奶粉嘅 99% 媽咪都係因為以訛傳訛。我就聽過有人餵人奶搞到比人鬧,包括家人同朋友都鬧,話人奶唔及奶粉,將來個仔唔夠人哋高大唔夠人哋聰明,會累個仔一世喎。而特別高大特別聰明嘅奶粉,原來只係得嗰隻或者嗰隻,所以幾高價都要搶。

    回覆刪除