2011年10月29日 星期六

母子對話



某天在某食店午餐,鄰座母子的對話越聽越好奇,忍不住豎起耳朵。

媽媽很不滿意兒子現在的工作,一直嘮嘮叨叨的要兒子放棄工作,情願養兒子在家裏。

兒子做的是甚麼職業甚麼職位,對話中一直沒有提及,那個媽媽只是不停地說兒子去南丫島工作實在太委屈了。

偷看一下這個兒子,青靚白淨的年輕人,難道兒子要去「擔泥」?南丫島有座水泥廠。

兒子向媽媽解釋說,人家一流名牌大學畢業生也不是個個踏出校門就找到好工,他亦只好騎牛搵馬,找到一份更好的就會轉工,而他對於現在這份工也算滿意,叫媽媽不要再沒完沒了的糾纏。

媽媽依然不肯罷休,苦着臉的勸說。忽然,媽媽問兒子他的老闆住在哪裏,兒子想了想,有點遲疑……好像是南區。

媽媽聽了非常憤怒。「他自己住南區,竟然要你去南丫島,他分明是欺負你,你明天回去質問他為甚麼他自己不去叫你去,叫他自己去南丫島好了。」

最近,有好多人批評甚麼怪獸家長、直升機家長,這些家長對批評駁嘴駁舌,認為愛子女、關心子女有甚麼不對,甚至覺得是很偉大。只有我這個局外人聽在耳裏,看在眼裏,覺得他們簡直是未開化的野蠻部落。



6 則留言:

  1. With a mother like that, how could the son achieve anything in life???
    [The Teacher回覆11/04/2011 11:12:48]Agree with BD. It's amazing that the kid is actually so sensible now.
    [版主回覆10/31/2011 22:12:07]啲阿媽總係話仔女好細個,會比壞人蝦,冇阿媽喺身邊唔得。其實係啲阿媽冇咗仔女喺身邊唔得,所以做好多嘢留住仔女喺身邊。咁樣同餵鴉片比仔女食冇乜分別。

    回覆刪除
  2. 南區去南丫島好近咋喎 !

    依家D 20/ 30 歲既父母都係咁上下,香港既下一代.........唉 !!!!!!!!!!!!!!!!!!!!!!
    [版主回覆10/31/2011 22:12:27]今日九十後都係六十後父母教出嚟。

    回覆刪除
  3. 那麼住南丫島嘅人就唔能夠去香港返工了..........?!?!?
    [版主回覆10/31/2011 22:12:59]我知中環工作鬼佬鍾意住南丫島。

    回覆刪除
  4. 這位母親關心過頭啦, 俾d年輕人自己去發揮吓啦。
    [版主回覆11/04/2011 02:03:42]而家好多父母對仔女嗰種事事關心已經去到好恐怖嘅程度,陪仔女見工陪仔女返工,話驚有人蝦佢哋啲仔女喎。

    回覆刪除
  5. 咁「long禮」嘅人,應該係五十後,好似未受過教育咁。仲有,此人思維紊亂;老板住的地方跟兒子工作的地方有甚麼關係?要比較也應該是二人工作的地方。此婦人已經走火入魔,我相信過幾日佢會要求個老板俾埋南區間屋個仔住。
    [版主回覆11/04/2011 02:04:49]喱位媽媽外表非常斯文賢淑,唔似冇讀過書。我有啲朋友平時好斯文有禮,但一牽涉到啲仔女權益就失晒常性。

    回覆刪除
  6. One possibility is that the mother is desparately looking for an opportunity to show off to her friends, like "my boy works at XXX as a YYY". But as long as he's doing 牛工, she can't.
    [版主回覆11/04/2011 13:44:03]ha ha,都好有可能。

    回覆刪除