2011年4月18日 星期一

雞蛋仔的滋味



一宗雞蛋仔伯伯被票控激起千層浪,出錢的出錢,出力的出力,出聲的出聲。伯伯早前聲稱不拿綜援,靠自己的一雙手養活家鄉妻兒,慘被食環署針對一個月七張告票,故事急轉直下,伯伯給人發現全家住香港公屋拿綜援。

伯伯錯在講大話,如果當初他甚麼都不說,事情會暢順一點。我膽敢說有收入又去拿綜援的人多的是,因為單靠綜援是很難養起一頭家,打一下散工多點收入,生活就可以鬆動一點,總比天天食和睡等拿綜援金的人有擔當。當然如果月入過萬還去拿綜援,那就很不該了。

有人牽涉到官商勾結,認為政府想將小販趕入商場好等地產商牟利,放心,各大地產商的商場不會希罕這等小毛小利的生意,怕弄cheap商場的形象,不能年年加租。

說到要求政府發熟食小販牌,這個就是問題,提出要求的人到底知不知道為何食環署要趕盡殺絕?

以前香港通街都是熟食小販,魚蛋、烤魷魚、薄餅、雞蛋仔、碗仔翅,街頭吃到街尾吃得飽飽,小販塞滿巴士站、地鐵站口、行人天橋,行人走出馬路,馬路上的車不停響安,深夜小販叫賣,擾人清夢。

小販眾多,還招來治安問題,小販連繫黑人物聚眾爭地盤。

街道上經過小販一天營業,佈滿油污垃圾,除了經常滑倒路人,還惹來蒼蠅老鼠,街坊當然是罵食環署疏懶。

投訴多了,政府當然要處理了,增派人手拉小販,小販不甘損失,揮刀反抗,小販走鬼時推推撞撞,滾油倒在路人身上。最後,市民和政府都認為小販嚴重影響治安及衛生,甚至危害路人生命,增設部門人手處理小販問題。

今天,有人問,伯伯只不過賣雞蛋仔自食其力,為甚麼要趕盡殺絕?有人很懷念小時候篤魚蛋的滋味,要求恢復當年通街車仔小食的情懷。有人認為只要容許小販擺賣,就不再有人拿綜援。

如過政府肯撥出地方給小販擺賣,如果警察肯站崗趕絕黑社會、陀地,如果食環署肯派一隊清潔工人長駐,當然最重要的是,如果小販肯自律,我也很想篤魚蛋、食雞蛋仔。



7 則留言:

  1. What's  陀地 ?...   I agree with  撥出地方給小販擺賣 , with a nominal license fee.  The gov't also has to have strict rules to ensure that the 集團  don't come in and 霸晒嚟做.    The problem with this sort of things is, if it is 太好賺 then you'll have 唔三唔四 folks trying to muscle in to 霸晒嚟做...
    [版主回覆04/19/2011 01:23:00]
    嗰啲話條街係佢,擺檔就要比錢佢嘅人就係陀地。
     
    做小販做到發咗達大有人在,本少利大先會吸引多人擺檔,人多就亂,一亂政府就要出手,唔准擺檔就係最簡單處理方法。

    回覆刪除
  2. 難忘牛頭角同班FAN掃街食美食的日子.........
    [版主回覆04/19/2011 01:23:00]而家連深水埗都好少檔攤,入晒舖咯。

    回覆刪除
  3. You said the "key" word, he lied about the welfare he is receiving...so that will make his credibility goes down the hill!
    [版主回覆04/19/2011 01:23:00]以佢嘅年紀同身世,一般人都唔會點責難佢嘅。

    回覆刪除
  4. 唔准擺檔就係最簡單處理方法...? What about your last paragraph, the gov't setting aside certain streets in high-traffic area and assign extra police protection and maintenance of order?  Then the gov't needs to issue licenses, and we'll need strict regulations on who could apply....
    [版主回覆04/19/2011 13:04:00]如果有地,政府都攞嚟賣啦。發牌容易,但邊個管理呢,政府高官同普通打工仔心態一樣,只想出糧唔想做嘢架,整個小販擺賣區要好多個部門一齊做嘢,講到做嘢就梗係你推我我推你啦,隨時三五七年都傾唔掂。唔准街邊擺賣,擺親就拉,對政府嚟講就係最簡單易做嘅事。而家政府賣地好多時都要地產商起埋公共設施,咪就係政府懶囉,結果比地產商搵著數。

    回覆刪除
  5. 五星下的三星2011年4月19日 下午3:00

    今次事件真係一套鬧劇,大家開頭懶熱血咁去為亞伯請命,唔理係乜總之上崗上線,呢個世界有乜事都關地產商事,到頭來原來係一個講大話的故事,好不尷尬。 我覺得除非香港可以規劃出好似台灣的夜市咁有系統,小販先有得生存。不過早幾年上環都想重生大笪地,到頭來都係失敗,所以我諗唔容易。 而家d年青人根本就未見過以前通街小販,銅鑼灣街頭賣臭豆腐的經歷,唔知道唔規管真係可以好可怕。
    [版主回覆04/20/2011 18:00:00]有冇系統有冇規矩係人為嘅,我可以講句,由得小販擺檔就一定會有黑社會叉隻腳埋嚟,就一定成地垃圾,香港政府各部門鍾意拋來拋去;習慣拖延苟且(今日睇報紙學番嚟),唔死人都唔做嘢。除非大笪地交由私人機構去搞,由政府發小販牌就可以擺檔,一定出事。

    回覆刪除
  6. 如果人人做多DD, 行多一步, 咁就大家又有集體回憶, 有美食享用的同事, 又可以多D人有工做啦! 不過..........呢個只係如果, 發住夢先啦 !
    [版主回覆04/20/2011 18:01:00]人人做多 DD 行多一步 ……
    香港人只係識執輸行頭慘過敗家。

    回覆刪除
  7. 香港可以規劃出好似台灣的夜市咁有系統,小販先有得生存...Good idea but that will also allow the TRIAD to operate and make $$$$$$$$$$, who could protect all those 小販 24/7?????????
    [版主回覆04/20/2011 18:01:00]其實,好多時候係小販自己去結識黑人物,甚至本身係黑底。我覺得我哋香港政府對黑社會好縱容,只要唔搞出人命,就隻眼開隻眼閉。

    回覆刪除