2010年7月24日 星期六

香港教育事業(二)



考考大家小學二年班常識。
填充題:早上起床後,用牙刷刷牙,用 ____ 巾洗臉。


如果你的答案是「毛」,恭喜你,你很正常,不過,答案是「臉」。不要反駁,因為這是校方的標準答案,標準答案是不容質疑的。如果學生企圖平反,上訴至終審庭,准備成績表寫上不尊師重道、對師長無禮等字句吧。


記得推出通識科時,是希望老師們就地取材在堂上討論,但老師們卻說,沒有範圍怎樣出考試題目,沒有標準答案如何評分,當然,沒有Teacher Book,她們也教不了書。


多年前,接連發生幾宗學生酷熱天氣下上體育堂時猝死,電視台訪問校長,可否溫度太高時停上體育堂,校長一臉為難說,不知道溫度怎樣才算太高,提議教署發指引說明溫度幾多度才要停上體育堂。


可以成為校長,歲月寒暑一定度過不少,連氣溫高不高都分別不來,所以體育堂該不該停這等大事就更加作不了主,要人家指引他怎樣做。


校長連芝麻綠豆事都不肯根據實況做決定;寧願按既定標準執行指令,老師沒有標準答案就不懂改卷,在這些「拋身」教育界作育英才的人經年薰陶下,學生會是怎樣的呢?




9 則留言:

  1. You may find this hard to believe, but my initial answer was also  臉 , although I am sure I wouldn't have thought of it if I were in P2.
     
    In English writing, there are things called parallel expressions and parallel sentence structures.  Your example seems to be the closest thing to a Chinese equivalency of it.   But native English speaking kids don't learn this parallel stuff until much later, in secondary school.
    [版主回覆07/25/2010 17:54:00]Teacher ,嗰題係常識題,唔係考 grammar ,而且係人講我聽,過咗咁耐我再寫出嚟,可能同原先題目會有出入。
    臉巾、沖涼巾、手巾係好老式嘅用語,八十年代後冇人再咁叫,而家叫個細路攞條臉巾嚟,佢只會 。

    回覆刪除
  2. arrrrrrrrrrrrrrrrrrrrrrrrr.
    嚇死人啦, 唔怪得有能力的家長都送自己的仔女去外國啦. 要有獨立思想, 外國啦...............
     
    [版主回覆07/25/2010 17:55:00]送仔女去外國都要仔女夠獨立先得,如果十八歲都唔識洗頭綁鞋帶點去呀!

    回覆刪除
  3. 有能力的家長 send their kids to international schools in HK.  And one thing they'll learn there is to be independent.
    [版主回覆07/25/2010 21:41:00]早排報紙講,有中學生唔識自己沖涼洗頭,去完廁所都唔識搞掂,喱啲係生活上嘅自理,只會由父母做成,任何學校都冇得教,或者送去專收弱智兒童嘅學校會有得教啦。

    回覆刪除
  4. 毛巾我覺得係統稱,可以係浴巾,乜巾,但臉巾比較指定係用來洗臉ga lor
    [版主回覆07/25/2010 21:58:00]問題係,個個學生都答「毛巾」,但先生話錯,因為佢手上校方指定答案係「臉巾」,「臉巾」唔係新一代學生嘅用語,學生聽完個答案只會 又或者 。

    回覆刪除
  5. 臉巾好似係港式講法囉.. 通常普通話會講毛巾, 如果指定什麼用途會講洗臉毛巾, 抹腳毛巾, 大毛巾(通常沖涼用)...
    但係假如係通識的話, 答毛巾臉巾意思真係無乜分別喎. 我從不用臉巾洗臉, 我只用紙巾抺臉之喎
    咁咁咁咁咁... 學生學唔識包容, 會囿於老師的答案. 唉!
    [版主回覆07/26/2010 13:53:00]對,以常識題來說,就算說用紙巾洗臉也算合理,各人有各人的生活習慣。執着 model answer 來評分,所有不是 model answer 的答案都是錯的,這只是人懶之過,不想用腦,不想改變,按本子辦事,按月出糧。如果有學生不服,就是學生尋釁滋事,寫花成績表看你以後還敢不敢多事。如果長期給這種人作育英才,只會深種有強權無公理;有權利無義務的意識,消極者會見到打劫非禮都當作看不見,積極者就會反社會反權威逢事必反。

    回覆刪除
  6. 臉巾 is the correct term of the object used...毛巾is a general term, it could be for the body, for wiping the table....so i have to agree with the HK School system...Sorry!
    [版主回覆07/27/2010 15:23:00]首先,「臉巾」是祖輩人的用語,現在香港已經沒有人叫「臉巾」,人人都叫「毛巾」。再者,用「毛巾」洗臉,有甚麼錯呢?難道一個小學二年班學生指着一隻狗說那是狗時,錯,那不是狗是一隻 poodle ?

    回覆刪除
  7. 我會填"姨媽"巾囉 !............................不過係心入面填, 表面上會填毛巾囉 !
    [版主回覆07/27/2010 16:04:00]攞嚟洗臉夠索水噃!

    回覆刪除
  8. 會唔會講吓香港的教育只著重分數及成績, 一路以嚟埋沒咗好多好有潛質的學生?
    [版主回覆07/27/2010 18:22:00]喱個問題唔止係學校做成,父母都有份搞出嚟。

    回覆刪除
  9. 好多Model Answer 都是好奇怪的啦,這就叫非靈活教育,連老師自己都沒有提問精神!
    [版主回覆08/09/2010 15:09:00]佢哋一定預先看過 model answer ,但個個都返工等放工,等放假,等退休,其他份內事都不放在眼內。

    回覆刪除