2010年7月15日 星期四

家暴



經常發生家暴慘案,大多是綜援家庭。發生在天水圍時,就說政府將大量綜援家庭遷移到天水圍,但後援設施不足,於是凝聚了眾多問題綜援家庭。後來東涌出事了,又埋怨政府將綜援家庭大量遷移東涌後不問不聞,製造慘劇。再來將軍澳的綜援家庭出事了,當然又是政府的錯。


香港到底有多少個綜援家庭專享的公共屋村呢?申請公屋如果要新要快,就要選擇新開發市鎮,年年都有新公屋落成,年年都有綜援家庭新個案。那些生活方便的舊區公屋,當初新落成時也是非常不方便,是經年累月逐步變得方便。


有議員說,綜援家庭沒有錢出外消遣娛樂,區內又缺乏運動場所,無處發洩,所以引發家暴。無處發洩,就要揮刀斬死家人才能宣洩?有運動場所就不會斬死家人!我都是長期缺乏娛樂運動,我家裏也有各式各樣的大刀小刀,看來我不應該放過我老公。


花錢買娛樂叫做消費,但不一定要消費才有娛樂。家裏看電視是娛樂,看書是娛樂,下棋是娛樂,一家大小行公園逛街也是娛樂,再不是,跟樓上樓下街坊八八卦卦也很有娛樂性。圍着屋村跑步是運動,小孩在公園裏你追我逐也是運動,耍太極也是運動,甚至做家務也是運動。


綜援家庭的綜援金由誰作主怎樣分配?各懷私心爭操控權,你一句「死佬」我一句「衰婆」,左一句「你廢柴」右一句「你去死」,初而口角繼而動武。


家暴發生不是因為缺乏運動場所,不是因為沒錢娛樂,也不是地區問題,更不是政府的問題,只是「兩公婆」的問題。利用婚姻及增添家庭成員拿綜援金及申請公屋,到頭來多隻香爐多隻鬼,分贓不勻,一場廝殺分莊閒。



7 則留言:

  1. 而家D人咩都話政府唔啱, 啱啱出嚟做嘢買唔起樓係正常事, 不過買唔起又會賴落政府度; 唔做嘢去販毒又係政府社會嘅錯; 讀唔成書又係政府社會嘅錯, 就連便秘都關政府事, 死未 ?
    好似政府就有責任包生養死葬, 包一日五餐連小食, 包衣食住行, 要全面照顧身心發展, 唔係又關政府事 !
    [版主回覆07/16/2010 15:14:00]政府嘅責任係維持公理;有效管理,但而家嘅政府好明顯係欺善怕惡,唔鬧唔做嘢,比人鬧時就求其送啲着數比人敷衍交差,結果造就越來越多人出嚟攞着數,覺得唔嘈就好蝕底。

    回覆刪除
  2. 五星下的三星2010年7月15日 下午5:02

    好認同樓下所講,而家大眾太習慣乜都話政府的錯,最慘係傳媒加鹽加醋,又有一班政客為左選票扮關心弱勢,其實而家最弱勢係政府。 我都覺得拿綜援唔代表會有暴力,而且好多人拿綜援手頭仲鬆動過時薪19元的打工仔,冇乜咁燥? 要斬人根本就唔關係咪綜援問題戶,只係家庭之間問題。
    [版主回覆07/16/2010 15:16:00]發生家暴嘅多數係綜援戶又的確係事實,如果大家一條心諗吓點樣搵多啲錢;或者點樣慳多啲錢,綜援家庭都可以好和諧,弊在各懷鬼胎,剩係諗住點樣可以獨吞綜援金,日嘈夜嘈,爆煲時咪發生血案囉。喱啲情況唔係政府比多啲錢佢哋就可以解決,只能夠靠社工/心理醫生/調解人去幫佢哋。

    回覆刪除
  3. Welfare receipients have a tendency for domestic violence...even in the US, they hang around in the house, nothing to do, either get drunk or take drug...what do you expect????
    [版主回覆07/16/2010 15:17:00]喱啲係惡性循環,冇工作冇收入,靠綜援金過活,個人就會好冇自尊。一家人去分享一份綜援金,就會有人去爭話事權,喺一家人裏面要爭做最有尊嚴嗰個。

    回覆刪除
  4. d人唔知足,兼新移民累事lor
    [版主回覆07/16/2010 15:19:00]係婚姻累事,係男人累事囉!
    嗰啲攞綜援嘅阿伯,諗住娶個女人返嚟從此有人服侍,個女人嚟到發現原來服侍男人唔應該收得咁少喎,你算我我算你,點會唔出事。

    回覆刪除
  5. 香港依家既社會模式好 K 型...
    D 人靠自己辛勞去打工搵錢仲少過拎綜援....
    靠拎綜援既又大聲夾惡...好似欠咗佢哋咁 !
    吓吓都話要政府補貼...
    交足稅又冇福利.....極之唔公平 !!!!!
    [版主回覆07/17/2010 15:09:00]一份綜援得千幾蚊,點生活丫,有工做都唔會希罕攞綜援啦,如果有綜援人士日子過得好富貴,就一定係隱瞞收入。如果有議員帶頭去抗議吓就多啲收入,無論真窮定假窮都會跟埋去。有啲人去做議員都係當攞綜援,佢唔保住一班人嘅選票,點有糧出呀。

    回覆刪除
  6. 有議員說,綜援家庭沒有錢出外消遣娛樂,區內又缺乏運動場所,無處發洩,所
    以引發家暴。 簡直亂講一通﹗ 唔通有錢洗就會開心咩? 太膚淺喇﹌
    [版主回覆07/17/2010 15:10:00]咁有錢點都開心過冇錢,只不過係有錢都唔保證一定開心啫。

    回覆刪除
  7. 發生家暴嘅多數係綜援戶   is true in almost all civlized societies.  Welfare is not the cause, but one effect.  Many sociologists believe that financial problems cause stress in a family.  A well brought up family in a temporary financial crisis could figure out ways of dealing with the problme.  But a long-term welfare family from the lower class tends to resort to violence more often than usual.
     
    So the politician is wrong about welfare being the cause.
    [版主回覆07/18/2010 23:06:00]喱啲係雞先定雞蛋先。
    質素低嘅人就會難搵工或者唔去搵工,就要靠綜援,結果就搞到綜援家庭等如問題家庭。

    回覆刪除