扒王之王

扒王之王 @ Megabox (09-11-09)


又去Megabox了，貪其不用排隊等位，甚至可以包場。

經過扒王之王，焚化爐給門外大大張的豬肋骨海報吸引，說要進去吃豬肋骨。

「你唔係話扒王之王難食到嘔嘅咩？」
「但你未試過嘛，咪要帶你去見識吓囉！」

從未去過扒王之王，試過的人都說差劣，最奇怪的是連焚化爐都說「難食到嘔」，通常我覺得「難食到嘔」的食物，焚化爐都會幫我津津有味地焚化掉。

扒王之王只有幾間分店時，門外經常像盂蘭節派米般洶湧，今天分店多如大ＸＸ，閒得拍烏蠅。

餐牌很厚，圖片也多，但都只是牛扒、豬扒、魚等互相配搭。套餐價錢由幾十到三百多，都是$98、$138、$228等。看過餐牌，看見價目，覺得已經很了解李老闆。

分別叫了豬肋骨套餐和M9牛扒套餐。

埋單兩百多，不算貴。食物水準過得去，雖然不至於會「食過番尋味」，但絕對沒有「難食到嘔」，我滿意，焚化爐也吃得很滿意，他一再強調之前吃過的$68午市套餐真的是「難食到嘔」。

以質素、環境來說，價錢很合理。反而，「人」卻有點問題。





 ～　～　～　～　～

進門時，全場沒有顧客。走過去想坐窗口位，給攔住，要我們坐卡位，卡位也很寬闊，但想看看街景嘛，為甚麼不能坐窗口呢？幾個人你推我讓支吾以對，終於有一個人說，窗口位在清潔中還沒準備好，其他人脫困似的連聲附和，我雖然近視，但不至於盲。我看得見窗口位已經擺設妥當，也看得見她們說話時的虛怯。

直至完餐後，我想我是明白她們為何不肯讓我們坐窗口位。

窗口位處於餐廳盡頭，全晚只有三四枱人，安排所有人坐在水吧前面的幾張卡位枱，是方便她們工作，不用多走路。

 ～　～　～　～　～　

剛坐好，餐牌還沒有送上，就落力推介ＸＸ牛扒餐。

焚化爐：「牛扒你同佢講得啦，我要食豬肋骨。」
女侍應：「你想平嘅，咪食豬肋骨囉。」

抬頭一看，她，完全無意識她這句話很有問題。

 ～　～　～　～　～　

「甜品有芒果布甸同椰子奶凍，你要邊款？」
「一人一款啦。」
「只可以揀一款。」
「咪佢一款，我一款囉。」
「唔得，只可以揀一款。」
「咁我要布甸，佢要奶凍囉，ok？」
「唔得，只可以揀一款。」
「吓，咁即係點呀，我哋一定要同款架？唔准一人一款架？」
「唔得，只可以揀一款。」

站在旁邊的經理終於開腔了，原來我們兩個套餐，其中一個是不包甜品。最後經理還是送來兩款甜品。不想佔便宜，我就不要咖啡了。

 ～　～　～　～　～　





可能我拿着相機拍拍拍，經理一直站在枱邊，還跟我們閒聊。

「你哋開咗咁多年，我到而家先第一次嚟咋，以前你哋啲分店，門口永遠人山人海咁，等到幾時呀！」
「冇冇冇，冇啲咁嘅事，嗰啲係假象嚟啫。」
「吓，你係話排隊等位啲人係臨記嚟架？其實裏面冇人架？」