2011年7月27日 星期三

又再西貢



最近雜務繁忙,少寫blog,少巡blog,於是…結果…這裏人跡罕至。








剛去了西貢,對,又是西貢。西貢近幾年變了狗展會場,去年還變了特賣場,最近更變成牛場。






來西貢的狗狗都很和善,很樂意跟「三唔識七」的路人玩追波,甚至任摸任抱。


大家會否羨慕這隻小狗呢?路過的人看見都說做狗好過做人。



狗主改裝冰箱為八歲的CC皇太后做座駕,冰箱裏面底部鋪了冰墊,冰箱頂部裝了一把迷你風扇,CC頭頂的小傘既擋太陽亦擋雨。難為狗主無遮無擋大汗淋灕推着皇太后出巡西貢視察民情。狗主說家裏還有一座裝了冷暖氣的狗屋。


狗主說CC食慣嘆慣,不肯落地走路,越來越肥。小孩與狗,原來也是縱不得。可知道CC平時是吃餐蛋麵、打邊爐,甚至咖喱魚蛋亦吃得「lamlam脷」。無怪乎狗主一邊說,途人個個「嘩…嘩…嘩」。


海邊開了家新店,賣日本裝飾品、日本餐具、日本食品、日本毛巾、日本和服、日本(劇)(不是電視劇,是穿在腳下的「劇」,請問怎寫?)等等。


老闆娘是香港人,老闆是日本人,長駐樓上。



日本先生就在「御食事處」裏邊負責食物,他穿着日式浴衣捧食物出來,卡娃兒呢。


餐桌像燙衫板,鋪上幾張日式包裝紙,牆上亦掛有日式裝飾品,有點日本住家feel。



所有食品都貼在玻璃上,其中有些只在假日供應。想吃甚麼,告訴日本先生就是了,告訴方式是用肢體語言……指着照片。



座位雖然不多,但如果滿座,日本先生也會應接不暇,趕時間的人就不太適合。其實,舖內窗外也很有可觀性,可以悠閒地坐一兩個小時。





這個奶mug好可愛吧?非常微型,大概一茶匙份量。

      


吃過鰻魚飯、豚肉飯、焦糖布甸、豆腐布甸、咖啡啫喱、牛奶布甸,還有咖啡。











日本精品不便宜,看看就算了,除了鰻魚飯要$100比較貴,其他都是一般日式餐廳的價錢。焦糖布甸做得最好,比我做的更好。



2 則留言:

  1. 日本(劇 I like, I had one a long time ago but broke it!! When i walk with it I look like a Sumo!!!
    People that spoiled their dogs actually ruined them, they lost the touch of being an animal...and became a TOY!!
    [版主回覆07/28/2011 00:50:00]真係會幾似相撲手喎!
     
    而家真係好多人鍾意養狗多過養人,生兒育女有好多麻煩,驚冇床位生仔,驚入唔到名校,驚讀唔到大學,但狗仔就帶來歡樂,比嘢食引佢就會比手手就會轉圈,放工返屋企就有隻狗歡迎你同你玩,啲人可能真係當隻狗係玩具。

    回覆刪除
  2. 五星下的三星2011年7月28日 上午6:30

    「屐」! 養動物好過養人好多,雖然要照顧飲食起居兼病痛,但唔駛擔心讀書成績,唔怕為佢加入名校餐風露宿,唔怕佢加入黑社會,唔會走去援交,點都冇養人仔咁傷神。
    [版主回覆07/28/2011 14:08:00]多謝!  我發覺我越嚟越得番閱讀能力,唔多識寫字。
     
    據我啲朋友講,放工返屋企仲要幫仔女做功課做到十一二點,假期又要同佢哋去乜乜班乜乜營,除咗要駛四百萬,精神上都好大負擔。相對養寵物就比較輕鬆舒服,而且養寵物貴有貴養平有平養,寵物點都唔會同你講:你冇錢買挨瘋比我就唔好生我出嚟啦。

    回覆刪除