2011年6月27日 星期一

攔途告狀



看電視新聞,大肚婆跪地攔車要求與周局長對話,何必呢?


現在是甚麼年代啊?你們含了甚麼冤?七屍八命慘被權貴公子放火滅門?以為周局長是包青天?拿 ─ 依 ─ 芙!


大陸孕婦瘋狂來港產子,拖累香港醫療系統,直到政府醫院醫生聯名上書抗議,周局長逼不得已才將大陸孕婦撥歸私家醫院。嫁了香港丈夫的大陸孕婦因為沒有香港身分證,無法享受每天一百元住政府醫院生產,她們說這是歧視,大喊不公平,更準備以自己及孩子的生命抗議周局長,真偉大啊。


如果給這些大陸孕婦同等福利,就會對正牌的香港孕婦很不公平,那應該對誰公平?只因資源有限,醫生及床位短缺,那當然是先留給有香港身分證的孕婦。大陸孕婦要付全費是由來已久的事實,為甚麼不等到拿了香港身分證才去生孩子呢,也只不過是等幾年,難道全是急就章「奉子成婚」的嗎。


這羣大陸孕婦質問,其他嫁了香港丈夫的美加澳紐孕婦為甚麼都可以到埗後即時拿到香港身分證?


第一,美加澳紐孕婦不稀罕香港身分證,亦很少會住政府醫院,更不會瘋湧來港蠶食香港資源。第二,這是出入境條例,與周局長無關,周局長負責醫院管理,無權發你一張香港身分證。


大陸妻子與外國妻子不平等條例,乃是基於實際情況,只因如果不限制大陸人進口,恐怕香港會霎時多了十三億人口。而且,最重要一點是,單程証香港沒有話事權,能不能來香港要由大陸一方決定。


如果這班大陸孕婦敢在大陸攔住政府高官的車,大喊不公平,要求馬上發出單程証去香港產子,我會為你們鼓掌。找周局長對話有甚麼用,連他的老闆曾特首也不敢開口問大陸爭取大陸人移居香港的主導權。


其實呢,香港孕婦也一樣很拿依芙,上星期看電視,有一個香港孕婦私家醫院訂不到床位,也一樣大喊不公平,由於不想在政府醫院生產,於是要去澳洲、新加玻等地生孩子。她不想在政府醫院生產的理由竟然是……孩子的出世紙寫着政府醫院出生,會讓人看扁。


我看着這些香港媽媽、大陸媽媽,那套生孩子權利的理論,真替他們的下一代擔心,我想我還是不要長壽,免得到時眼冤。



7 則留言:

  1. They are thinking....May be it will work in HK!!
    [版主回覆06/29/2011 15:23:00]如果由大陸高官出聲就乜都 work ,蟻民請願就唔乜都唔 work 。

    回覆刪除
  2. 我諗如果我想生, 都要快D排期至得喇!!!
    [版主回覆06/29/2011 15:23:00]聽講而家懷孕一個月就要訂床位,懷孕三個月先發現已經要周圍撲床位,好得人驚。我諗過多幾年,就會出現懷孕一個月就要預訂幼稚園學位。

    回覆刪除
  3. 班大陸孕婦都SHORT SHORT 地, 都唔是香港居民,好心在大陸生啦.
    [版主回覆06/29/2011 15:23:00]香港生仔福利好嘛,讀書睇醫生都有政府資助,仲可以攞綜援,如果大陸都有喱啲福利,佢哋就緊係大陸生啦。

    回覆刪除
  4. 如果雙親都唔係香港人,就算個BB係香港出世,父母都冇得申請嚟香港,兼冇得申請香港福利,你睇吓仲有冇咁多大陸入嚟香港生仔 !
    成日話個BB晌香港出世就有權使用香港福利,班大陸人最叻咪比咗幾萬蚊生BB錢囉,佢地雙親晌香港有冇納過稅呀,仲有D生咗個有問題既BB就唔要,咪又要香港人養埋呢DBB囉 !
     
    [版主回覆06/29/2011 16:20:00]我都認為如果父母唔係香港人, BB 就唔可以擁有香港身份証,喱個係最簡單最有效嘅解決方法,奈何香港高官唔用最簡單直接嘅方法,偏偏要搞公院、私院、限額等又迂迴又麻煩又冇效方法,只能講句,政府官員除咗懶仲係蠢。

    回覆刪除
  5. 我都見到電視呢一幕,只係覺得白痴,點解佢地唔去澳門叫人畀佢福利生仔,係都要走來香港生,為乜呀?來香港就只能住劏房,再申請公屋,再加埋綜援一條龍,幾咁無謂。 至於你講香港那個準媽媽的理論真係冇睇到,不過又係一個白痴女人,試問而家有邊個人會理對方係邊間醫院出世架?唔通名牌醫院出世會聰明d?
    [版主回覆06/30/2011 22:53:00]前排有單劏房火燭搞出人命就係囉,喺大陸做護士,嫁香港地盤工人,已經住劏房,仲要生三個,五個人屈喺間房仔度,企都冇定企啦,仲生咁多做乜呢。

    回覆刪除
  6. The easiest way to solve this problem is to pass a law saying that babies born in HK will have the same rights as their mothers in HK.
    [版主回覆07/05/2011 18:00:00]喱樣嘢好奇怪,係人都知道只要大陸人嚟香港生仔唔會比香港身份証就解決晒,但冇人敢提,冇人包圍立法局抗議,又冇人喺立法局掟蕉。

    回覆刪除
  7. 因為包圍立法局抗議同喺立法局掟蕉嗰班友係支持班 dai lu ren 嗰斑
    [版主回覆07/08/2011 01:35:00]唔係掛?

    回覆刪除