The Luxe Manor

寫blog三年，第一次上鎖。如果可以一了百了，話唔埋從此上鎖。

以前影落嘅一啲相，收埋床下底好耐。家陣，我決定豁出去喇。

話說……long long time ago……一班人相約去嗰間傳聞好靚嘅公館。

一入門口就睇到「靚」！

   

呢度就係我地享用午餐嘅地方。

   

大家好開心咁喺度一邊食，一邊講吓天文地理。

食完飯可以落樓下飲杯嘢架。

如果有國家機密要洩露嘅，就各自行去不同角落；繼續摸住酒杯底密密斟囉。

  

仲可以關埋門喺度公投，或者普選都得。

  

飲飽食醉想休息吓，大把地方啦！

   

喱間房啱唔啱啫？ 仲有個可以瞓兩個人嘅水力按摩浴缸添架！喺度起錨又好，起義又好，作反又好，革命又好，隨得你啦！

   

喱間房就機關重重，有人話係重金禮聘收咗山嘅黑玫瑰佈置架喎。

  

如果日日比「起錨」同「超錯」嘈到心火盛呢，就不妨揀喱間房冷靜吓喇，乜都係冰做架。瞓完寒冰床再練埋玉女心經，行出去又可以同「起錨」或者「超錯」鬥大聲咯。

想去喱間咁瑰麗嘅公館都好方便容易架咋，去尖沙咀行入金巴利道，就會見到《帝樂文娜公館》。